कविता विंदांची… किमया मुलांची…

ञानपीठ पुरस्कारविजेते सुप्रसिद्ध मराठी कवी विंदा करंदीकर यांचा १४ मार्च हा ११ वा स्मृतीदिन. विंदांच्या स्मृतीदिनाच्या निमित्ताने या बालकविता आपल्यासमोर सादर करत आहेत आपल्या गावातलेच बालकलाकार ‘कविता विंदांची किमया मुलांची’ या कलाविष्कार-डीसी प्रस्तुत अभिनव उपक्रमातून!

मराठी बालकवितांचा हा अनमोल ठेवा परदेशातही इतक्या आत्मीयतेने जतन केला आहे ही खरोखरच विंदांना आगळी आदरांजली आहे. भारतापासून इतक्या दूर अमेरिकेत वाढलेले हे सर्व बालकलाकार. पण या सर्वांनी मराठी संस्कृतीशी जुळलेली नाळ तुटू दिली नाही याबद्दल त्यांचे कौतुक करावे तितके कमी आहे. या आपल्या बालकलाकारांना ना. धों. महानोर, अनिल अवचट, अच्युत गोडबोले, राहुल सोलापूरकर या साहित्य व कलाक्षेत्रातील दिग्गजांनीही मनापासून दाद दिली आहे!